Чlуру крар хьанва завай, гунагьарни бул,
Чара амач, за Аллагьдиз гуда кlватlна пул...
ГУЛЯ МИСРИХАНОВА
Аллагьди пул къачудайди чидачир заз гьич,
Цаварани ришвет къачун азар гьатнатlа?
Гьаждал хъфиз кlан тахьана элдиз, ква захъ кичl -
Космосдиз физ Байконурдихъ рекье гьатдатlа?!
Гзафбурвай физ тахьана, космонавтриз
Мез ахъайиз мажбур жеда, вуч хъжеда кьван?
Кlватl хъавуна дефтер - къелем, яргъи татилриз
Фий фекьияр, куьтягь хьана мад абрун давран.
Муса халу Манаровахъ куткуз белки гаф,
Мусурман я, мусурманриз куьмекда ада.
Дуаярин космонавтар хьуй лугьуз гзаф,
Аллагьдиз пул гана кlанда, жен адаз ала.
Космонавтрин кали хада, ришветар вугуз,
Чи илчияр жеда абур Аллагьдин патав.
Роскосмосда, НАСАда чаз кlанда къенин къуз
Таниш - туниш, цавухъ галаз хуьз авсиятар.
19.09.2022
***
© Copyright: Намик Фарзалиев, 2022
Свидетельство о публикации №122112901026
Свидетельство о публикации №122112901026
Рецензии