(Аялар патал шиир)
Хтул
Я чан баде, жаваб це заз,
Зун тахьайт|а вучдай вуна,
Ни ийидай к|валахар ваз,
Са геренда къваз тавуна?!
Баде
Вун эрч|и гъил, алай чан зи,
Хьаначирт|а амукьдай хьи,
Вири крар, къайгъуярни,
Вун тушни бес гъилин ван зи?!
Хтул
Лагь, амат|а мадни мелер,
К|ват|дай салан, тамун бегьер.
Ахц|урдачни к|ат|ан гелер,
Алукьдалди - къаяр, живер?
Баде
Эхь, залан тир ц|инин парар,
Кич|е хьанач чаз абрукай.
Авурлахъди ихьтин крар,
Эксик жедач инсандикай.
...Тарсар хьурай бала вазни,
Дидеди заз лагьай гафар:-
"Гатуз гъилик авур къванни,
Виже къведа жедалд гатфар"!
Теране Керимова Оруджева
Бадедин тарсар
© Copyright: Теране Оруджева-Керимова, 2022
Свидетельство о публикации №122112208338
Свидетельство о публикации №122112208338
Рецензии