Ер деррига дуне са кара хилча,
Хьона лургдар аз.
Лаьттан цхьан йистан т1а, хьо яха хайча
Из хозаергьяр аз.
Хьа са эша сона, аьнна сайга хабар деча,
Шек воацаш из хьона лургдар аз
Цамогаш хинна,хьога бала беча,
Хьа готто д1аайъергьяр аз.
Боарам ца эшаш,сайга рузкъа хилча,
Хьа мерзача оазаца хувцаргдар аз.
Хало а ена, со к1;ла висача,
Хьоца атто лохаргьяр аз.
Берз 1азал хинна, 1ан шийлача дийнахь,
Хьоца й1овхал лохаргьяр аз.
Хьо кхалхай аьнна, сайга хабар кхаьчача,
Хьа шийла каш, сай безамца д1охьадергдар аз.
Синабердаш херцашъяр. Разрушительница берегов души
© Copyright: Ахмед Хамчиев, 2022
Свидетельство о публикации №122111903560
Свидетельство о публикации №122111903560
Рецензии