Кайданда сен мага яшавымда ырастын!
Кайданда оьзимди мутып сени суьйдим!
Ян-якка карасам сени тек коьремен,
Тынышымды мага кайтар деп тилеймен!
Кара коьзлеринъди эьнди муталмайман,
Сенден баскаларга эьнди каралмайман,
Тийилмеген юрегимди сен акаштын.
Кайданда, ах, кайданда мен сени суьйдим!
Узайыттын сен кыска болган кешелерды,
Оьзинмен акеттын меним ойларымды,
Авырмаган басымга явлык байлаттын,
Кайданда, ах, кайданда йолымда ырастын!
Ян-якка карасам сени тек коьремен,
Тынышымды мага кайтар деп тилеймен!
Кайданда сен мага яшавымда ырастын!
Кайданда оьзимди мутып сени суьйдим!
Кайданда
© Copyright: Гульжан Суюнова, 2022
Свидетельство о публикации №122110301952
Свидетельство о публикации №122110301952
Рецензии