Зайиф куьз я лекьрен лувар?

Ише физмач пич1и гафар:
Галаз к1анда абурухъ крар.
Терсина хъийиз тарихар,
Гьикьван хьурай шит тарифар?
Тир лугьуз чун къагьриманар,
Тай авачир пагьливанар.
Тир лугьуз чун лек1ар, лекьер,
Къе чна чаз гузва рик1ер.

Четинвиле гьатай ч1авуз,
Кар чкадал атай ч1авуз,
Муьт1уьгъарай синер, цавар
Зайиф куьз я лекьрен лувар?
И уьтквемвал фена гьиниз,
Ни хкажрай касвал виниз?!

Цавун адет авуна ч1ур,
Галч1урдай туш лекьери хур.
Хуьн паталди чи чил, чи к1вал,
Эвел руьгьдиз тежен усал.
Къе чун авай акваз тегьер,
Чи бубайрин шад туш руьгьер.
Ша! – лагьана, гайла эвер,
Чун гьамбардин тежен кьифер.
Хьайила Ватандиз герек,
Чакай жен гьардакай са лекь!



***
Инкарзавач за тарихар,
Гьикьван хьурай шит тарифар!
Тир лугьуз чун къагьриманар,
Тай авачир пагьливанар.
Тир лугьуз чун лекьер,лек1ер,
Къе чна чаз гузва рик1ер.
Четинвиле гьатай ч1авуз,
Кар чкадал атай ч1авуз,
Муьт1уьгъарай синер,цавар
Зайиф жезва лекьрен лувар.
Гьиниз фена бес чи касвал,
Чи уьтквемвал,чи саддасвал?
Цавун адет авуна ч1ур,
Галч1урдай туш лекьери хур.
Хуьн паталди чи чил,чи к1вал,
Ша чун руьгьдиз тежен усал.
Къе чун авай акваз тегьер,
Чи бубайрин шад туш руьгьер.
Ша лагьана гайла эвер,
Чун гьамбардин тежен кьифер.
Ватандиз чун хьайла герек,
Чакай жен гьардакай са лекь!