Лезги офицер
(РФ кьушунрин офицер зи стха Фиридиназ бахшзава)
Гъил гъиле кьуна, сад хьана кьисмет,
Урусат диде – Дагъустан велед
Садвал бине яз къалуриз ибрет,
Рик1еллаз бубад гаф "гьайиф СССР",
Кьушундин к1венк1вева лезги офицер.
Ц1ай кьуна кузвайла Херсонни Донбасс,
Куьмекдиз фена вун, хьанач вун яргъаз.
Субутна тирди вун Шарвилидин кас,
Ватанпересвилин рик1еваз гьиссер,
Женгиник экъеч1на, лезги офицер!
Вун хьтин кьегьалар Ватандин девлет,
Багърийрин муьгьуьбат хьурай ваз нуьсрет.
Чнани вал дамах ийизва, гьелбет!
Муьт1уьгъиз, рам ийиз душмандин сенгер,
Виликди алад вун, лезги офицер!
Женгера садни куьн тахьурай къуьруь,
Саламат хтурай аскерар вири,
Тахьурай абурун жергеяр кьери.
Аллагьдиз хьурай ван дидейрин сесер,
Кьушунни, жувни хуьх, лезги офицер!
Лезги офицер
© Copyright: Тамила Хуршидова Салманова, 2022
Свидетельство о публикации №122102808483
Свидетельство о публикации №122102808483
Рецензии