*Сад са патай, сад са патай атана,
Аршда кьве гъед дуьшуьш хьана агатна.
Са легьзеда чеб чпивди рахана,
Яргъал фенач, чара хьана, къакъатна.
Налугьуди, регьимдикай атIана,
Вили цавун парчадикай хкатна.
Акадивай къакъатна, хуьз тахьана,
ЦIутхун хьана абур чилел аватна.
Сад кьибледихъ, сад кефердихъ тухвана,
Яраб рекьер кьве патахъди алатна?!
... АкI я хьи заз: меслятдалди рахана,
Цава амаз, мад чеб чпив ахгатна.
11.04.2021.
Сад са патай, сад са патай атана
© Copyright: Тамила Хуршидова Салманова, 2022
Свидетельство о публикации №122102808467
Свидетельство о публикации №122102808467
Рецензии