Къундахдамаз аватайла чархалай,
Зун такуна, ажал фена къвалалай.
БалкIандилай вацIузни зун аватна,
И сеферни Азраил зав агатнач.
Ахпани зун туьнт угарди бамишна,
Яраб ажал зак кяй тежез вердишна?
Зун аялдик квайлани гьар аваздал,
Серф виливхуьз ажал жедай къараздал.
Мурад ава – динжарун зи аялар…
Азраилдиз гьич хуш туш и хиялар.
Гьелягь кьуна за инсафсуз ажалдиз:
«Рей гудач хьи и вун хьтин дажалдиз!
Эгера вун агатайтIа дергец гваз,
Чир хьухь, кьецIиз хъфидайди кIекIец гваз!
Гьакайла на к1вачиз т1вал ягъ кIевелай:
Зи кIвалин рехъ алуд жуван рикIелай!»
Къундахдамаз аватайла чархалай
© Copyright: Тамила Хуршидова Салманова, 2022
Свидетельство о публикации №122102808415
Свидетельство о публикации №122102808415
Рецензии