Каханне -- гэта сэрцаў грук
І адчуванне зорак.
У ім цяпло ідзе ад рук,
Што расхінаюць морак.
Каханне -- думак хараство,
Што нам пасланы Богам.
У ім --:палёт, парыў, прастор
І для дваіх дарога.
Па ёй я здолеў перайсці
Праз акіян бязмежны,
Каб быць з каханай па-жыцці
І будаваць ёй вежы.
Каханне -- замак для дваіх.
Яго не ўзяць прыступам.
Загіне вораг у баі,
Не дасягне прыступак.
Ёсць у вачах тваіх агонь,
Што сагравае веру.
Каханне мне дапамагло
Спазнаць пяшчоты неруш.
23.10.2022. Заслаўе
Каханне
© Copyright: Валерий Познякевич, 2022
Свидетельство о публикации №122102505598
Свидетельство о публикации №122102505598
Рецензии