Г1айг1ано есар ваь. В плену печали

Д1аваха лайра сона ц1аьхха,
Дуненах д1акхастар ловш,
Уйлаш со хьувзаву ц1аьккха а,
Ер вахар ца дезар ловш.

Балано, г1айг1ано лаьца,
Сай б;ла бувца саг воцаш.
Уйла-нигат Даьлаца хетта,
Цунга хьоаставенна волаш.

Вац со укх дунено лаьца,
Цхьан х1амах эцац аз чама,
Наха лел ю къизал б1аргъейна,
Дуне са моастаг1 а хинна.

Дезац сона ахча, е рузкъа
Цхьан х1аманга эшам са бац.
Тишденнача, харцача дунен т1а,
Кхы ваьха, ха яккха сона лац.

Нах лел ю харцо б1аргъейна,
Тийшаболх! Цул вог1а фуд?
Дег т1а сай хинна човнаш,
Ерза ца луш, ха д1а мел йода.

Дезац сона укх тайпара вахар,
Сай вахарах вашаш со вац.
Н;ха дукха новкъоле яй сона,
Шоай дохьаж доалача дешашца.

Амма, дуненах д1акхаьста,
Сайга йила ха чакхъянна.
Бакъ дуненчохь хург ва со даим,
Сайна безачарца уллув а ваьнна.

К1аьдвеннав со, бакъдар аьлча,
Сала1ар мара эшаш вац.
Д1аваха лайра сона ц1аьхха,
Ца дезача дуненах ваьнна.