Эй инсанар. муьгьуьбатдиз к1ур гана,
Душман жемир уьмуьрдиз, хатур хана.
Муьгьуьбатни бахт я гайи Халикьди,
Хийир авач адакай са фасикьдиз.
Ашкъи авай инсандин сир гуьзел я,
Ашкъи авай инсандал зун мягьтел я.
Агъу куда илгьамдин саф ялавди,
Лап гьикьвадар кьунват1ани къиравди.
Зайиф инсан кьула жеда ажугъдин,
Чир тахьана я чара, я тахлукьди.
Халис инсан иеси я регьимдин,
Кьегьалвилин чин я амай итимдин.
Эхир рекьиз экъеч1да ам уьзягъ яз,
Муьгьуьбатдив руьгь ац1урна, чирагъ яз.
Женнет багъ я уьзягъбурун мяденар,
Усалдаз я жегьенемдин жуьгьенар.
Мални-девлет пар я к1ула бендедиз,
Агъурвиляй ч1угваз агъуз дегьнедиз.
Зун хъфида ашкъидикай луварна,
Гьижрандикай к1ани ярдин дидарна.
Зун себеб яз къармахравай билбилдиз,
Гъам-гъуссадин пар ийида кьезилдиз.
Нур куьк1уьрна гъамлу рик1е ялавдин,
Терг авуна ягьанатар ч1улавдин.
Муьгьуьбатни бахт я гайи Халикьди. 73
© Copyright: Магомед Мирзоев Мирзой, 2022
Свидетельство о публикации №122102105495
Свидетельство о публикации №122102105495
Рецензии