Зун бат1ул я , рик1 ахъайнач файдадиз,
Шел-хвал ийиз ацукьна зун Худадиз.
К1ан хьайила зи уьмуьр ик1 барбат1из,
Шукур Аллагь, шикаят низ герек я?
Тагайдаз на дагъ гайит1ан тух жедач,
Чарадазни бендедин язух къведач.
Гайи ч1авуз душманни саврух жедач,
И ч1авуз мад адалат низ герек я?
Кайит1ани гъамари, зун уьзягъ я,
К1ани рушаз лугьузва за чирагъ я,
Зи жигъирда къекъвезвайди гъуьлягъ я,
Магьрум хьайи муьгьуьбат низ герек я?
Уьмуьрдивай къакъатун са хата я,
Завалдикай куьмек-далу далда я,
Т1ебиатдин дегиш хьун са къайда я,
Яз хьайила гьерекат низ герек я?
Зи къулайвал бес вучиз ик1 суст хьана?
Мурз такуна, ялавдикай дуст хьана,
Наз гайила гичиндани мурс хьанай,
Ик1 хьайит1а, ви къамат низ герек я?
Фикир мийир Керим мердимазар я,
Физ-хтунар дуьньядин заз хабар я,
Яр бахтлу хьун зи намусдин сувар я,
Тахьай ч1авуз зи ният низ герек я?
Магьрум хьайи муьгьуьбат низ герек я? 72
© Copyright: Магомед Мирзоев Мирзой, 2022
Свидетельство о публикации №122102007917
Свидетельство о публикации №122102007917
Рецензии