Раскошна дрэвы цягнуцца ўвысь,
Калышуць голле ад павеву ветру
І ціха шэпчуць лісцем, што калісь
Хадзіла Маці Божая па свету.
Спакон вякоў, як сведка, тут ляжыць
Свяшчэнны камень – вабіць ён прахожых:
Тут Багародзіца прысела адпачыць
На купінку ў цяньку бяроз прыгожых.
І скамянела купка той зямлі,
Каб след Хрыстовай Маці ўвекавечыць,
Каб праз стагоддзі людзі тут змаглі
І пакланіцца, і любоў засведчыць.
Крыж з абразком стаіць каторы век –
Святое месца з цудатворнай сілай.
Перахрысціся, добры чалавек,
Каб і цябе Святыня блаславіла.
Святое месца
© Copyright: Валентина Кульбеда -Бакунн, 2022
Свидетельство о публикации №122102001490
Свидетельство о публикации №122102001490
Рецензии