Гьарайдин ван гьатна хуьре чавушдин,
Зурнадинни сес агакьна кук1ушрив.
Къе Селиман к1вале ава мехъерар,
Шад я къе хуьр, ийиз гьарай-эверар.
Тек са Керим гъамлу я къе, яс кьуна,
Фагъир ава пашмандиз, к1арас кьуна.
Назлу гъуьлуьз физва кьуьзуь Селимаз,
Амачир хьиз хуьре маса итимар.
Кьабулдани фагъирди гуьнуькъара?
Фикирдава Кериман уьзуькъара.
Гагь чилерал къатадзава був ягъиз,
Гагь гьарайиз, чакъалди хьиз къув ягъиз.
Аквар гьалда етимди гьал четин я;
Вичи вичиз са кар авун мумкин я.
Са афтеда ам и саягъ к1валевай,
Лацу хьана ч1улав мекер пелевай.
Эхир са к1ус вич вичелди хтана,
Мад сеферда ашкъидикай рахана.
Къе Селиман к1вале ава мехъерар. 69
© Copyright: Магомед Мирзоев Мирзой, 2022
Свидетельство о публикации №122101906080
Свидетельство о публикации №122101906080
Рецензии