Назлудиз гил маса ишел-хвал хьана,
Кефи хана, рик1ни дарискъал хьана.
Чк1ана фад и хабарни дагълариз,
Къекъвезава, тикрар ийиз рагари.
Са афтеда къвез авахьна вилерай,
Лап ивидин ст1алар хьиз гевгьерар.
" Азиз дуьнья, ин аламат дуьз яни?
Тахьайт1а лагь, зун са гьаясуз яни?
Зазни авай, гунагь квачир умудар,
Завни рахаз к1анзавай са шумудаз.
Ингье эхир; са кьвезекдин тай хьана,
Кьисметдиз зи бахтсузарин пай гана".
Циф алатна, ачух хьайла цаварни,
Фад акъатда дертлу хьайи йикъарни.
Рушарин шел-хвал гьамиша адет я,
Кериманди, фикир гайт1а, къелет я.
Мадни Керим тахта гваз мягьледа
Ацукьнава, акъудиз мад зегьледай.
Са кьвезекдин тай хьана. 67
© Copyright: Магомед Мирзоев Мирзой, 2022
Свидетельство о публикации №122101806043
Свидетельство о публикации №122101806043
Рецензии