Азиз диде ава сура,
Заз ана макан ава жал?
Кьейи ч1авуз кесибд хурал
Шехьир са инсан ава жал,
Яраб заз дарман ава жал?
Жегьил беден хьанва кабаб
Вун са гуьзел яр я лугьуз.
Им яни на гайи жаваб-
Вид гьак1ан азар я, лугьуз,
Межнумаз ухшар я, лугьуз.
Межнуман са т1вар хьайила
Лейлиди рик1 ц1раз хьана.
Бес зи гьал хабар хьайила
Вучиз фикир даяз хьана,
Рик1е вучиз аяз хьана.
Зун фагъир яз чир хьайила
Ви регьим, гьуьрмет гьинава?
Вун зи рик1е п1ир хьайила
Са ширин суьгьбет гьинава,
Ашкъидин зинет гьинава?
Зун гьисабайни кьан тийиз
Им вуч я, фарман яни ваз?
Салам гайла рахун тийиз
Зун гьакьван дак1ан яни ваз,
Са залум-душман яни ваз?
Ашкъидикай зи сир хьанач,
Экуьн гуьзел ярар хьтин,
Вучиз а кар ваз чир хьанач
Ширин-шекер анар хьтин,
Абулейсан ятар хьтин.
Азиз диде ава сура 66
© Copyright: Магомед Мирзоев Мирзой, 2022
Свидетельство о публикации №122101707628
Свидетельство о публикации №122101707628
Рецензии