Делидан кьил кьурди жеда делиди,
Тедбирлу инсанни жеда асиди.
И кар себеб фикирарна бубади:
" Вуч авурай за и тил-тил ч1абадиз?
Зур гайила вилелай къвез ацукьда,
Жувни идан язух лугьуз амукьда.
Им зи кьилел атайди вуч т1ал хьана,
Фагъир лугьуз, им вучтин завал хьана?
Ик1 хьайит1а, имни къайда туш эхир,
Кьарай квахьна, хьанва заз агъур фикир.
Гъуьлуьз гуда руш винеллай Селимаз,
Авунай заз эхтилат накь Алима.
Селим хуьре т1вар ван авай итим я,
Керим вуч я-хъуькъвераг, са етим я.
Мал-къарани девлетар ава пара,
Адаз гайт1а жедач зун уьзуькъара.
Низ герек я пул тахьайт1а жегьилни,
Пул авайди аквадач мад агьилни.
Тай ят1ани, кьилеллайди бап1ах я,
Ахьтин итим кьулухъ галай даях я".
Веревирдиз пабни итим сад хьана,
Рази хьайи, дидедизни шад хьана.
Делидан кьил кьурди жеда делиди 65
© Copyright: Магомед Мирзоев Мирзой, 2022
Свидетельство о публикации №122101706167
Свидетельство о публикации №122101706167
Рецензии