Аман Аллагь, гъам-гъуссади эзмишиз,
Са югъ такваз, зун халкьарин лук1 хьана,
Селлер фейи ч1авузни зун сеймишир
Садни хьанач, зи бахтунин юкь хана.
Садаз ганва и дуьнья на сувар хьиз,
Акьулдикай пай тагана келледиз.
Садаз девлет ганва вуна азар хьиз,
Са к1ус кьван вегь а зегьер зи тевледиз.
Зун хайиди лап са ч1уру югъ хьана-
Халкь авурди халисан уст1ар лугьуз.
Зун хажалат-баларикай тух хьана,
Архайин я: белки им ахвар лугьуз.
Ширин Аллагь, дертлу рик1ин дидар я-
Дертлу касдиз гъамарикай дагъ хьана.
Заз акурди шел-суза, агьузар я,
Кьилелни зи хажалатдин тагъ хьана.
Вуч ийин за, къужах такур дидедин,
Килигзава гьар сад вичин равалай,
Са бубатдин югъ такуна бендеди
Хур гатазва, гуьзел акур ч1авалай.
Етим Керим, валай фагъир вуж хьана:
Бахтлу йикъар хьайла вири тапарар.
Ашкъидикай зи чандизни гуж хьана,
Гьаваян я зи алахъун, чамарар.
Садаз ганва и дуьнья на сувар хьиз 60
© Copyright: Магомед Мирзоев Мирзой, 2022
Свидетельство о публикации №122101507063
Свидетельство о публикации №122101507063
Рецензии