Садни тахьуй и дуьньяда бахт тахьай 56
Гьар са бенде бахтунин уст1ар хьурай.
Мецелайни гаф татуй баяд тахьай,
Гъамлу рик1из гьар сана ялвар хьурай.
Ашкъи ава алемдикай гам храз:
Гьар зат1унин эрзиманни дарман яз,
Танда жеда нагьакь фикир гъам храз;
Нагьакь фикир зегьердилай залан я.
Бубуйрини ян гузава сад-садаз,
Хуш гьисерив милаимдиз рахазва.
Билбиларин сес чк1ена кьуд патаз,
Мани лугьуз, чеб чпивди къугъвазва.
Садаз дунья гайит1ани тух хьанач:
Бахтикъара бахт такуна шит я хьи.
Фуанни к1ус муькуьдаз артух хьана:
Хуш рик1ивай лугьузва "Им вирт я хьи".
Етим Керим фагъир хьтин аквада,
Вирибурун кесиб яз сивел хьана.
Бязи къара шаир хьтин рахада,
Гьа и юкъуз зунни зал мягьтел хьанай.
Свидетельство о публикации №122101206018