Суьювдин йолы - нурман севилген,
Сол йолга баскан - наьсип бийленген,
Куьздин сарысын яз болып коьрген,
Ямгырдын сезин - саз болып эскен.
Тек суьйген юрек оттай янады,
Тек ашык суьюв йолды яяды,
Суьювды билген- яшавга разы,
Суьюв билмеген - неге бек язык!
Суьювдын йолы ялгыз калдырмас,
Сол йолга баскан табар ян йолдас,
Ерге йыгылса, наьсипке батар.
Тек уькен суьюв юректе конар!
Йылгадан терен суьювдын ызы,
Ойларды билер юрек маразы,
Эсинге келсе - янды шаншытыр,
Туьсинге энсе - канды кайнатыр.
Суьювдин йолы
© Copyright: Гульжан Суюнова, 2022
Свидетельство о публикации №122100602725
Свидетельство о публикации №122100602725
Рецензии