Суьгьуьрдин къеледин назанияр яз,
Нурарай эвич|нан куьн юзаз-юзаз?
Ажайиб либасар къалуриз гьа чаз,
Я чан чепелукьар, гузван куьне наз?
...Лацу махпурдикай перем алайбур,
Ценерикай мич|и лентер галайбур,
Къугъуриз секиндиз кьелеч| тир лувар,
Лезгинка кьуьлзавай, ят|а куьн рушар!?
...Гьик| иер бутаяр къаншарда авай,
Саки зи буьшмедкай - буьшмеяр алай,
Цуькведлай -цуькверал лув гуз физавай,
Гьайиф хьи, мугьманар я куьн, хъфизвай...
...Куьн яраб ч|угвардин кетенар ят|а,
Белки яргъирушан хуш рангар ят|а!?
Ч|улав ц|ар - ингье йиф, яру ц|арни - яр,
Эхирда фичIи ранг - югъ я бахтавар?!
...Т|ебиатдин сирер, мили савкьватар,
Лув це, кумадкьван квехъ - мадни такьат|ар...
Теране Керимова Оруджева
Чепелукьар
© Copyright: Теране Оруджева-Керимова, 2022
Свидетельство о публикации №122093003761
Свидетельство о публикации №122093003761
Рецензии