И шиир Юсиф Халиловахъ галаз, ТIигьиржал вацIун юкьвал алай къавах тарцин кIаник кхьей бендерин бинедаллаз арадиз атайди я. Шиирдин са паюнин кирамни гьам я.
Хуьруьн кьуд пад ргаз къайи булахар,
Секин къузни юзаз жеда къавахар.
Къугъвада ценерик дат|ана шагьвар,
К|андат|а гад хьурай, к|андат|а гатфар.
... Амма вац|ун юкьвал алай тек къавах,
Им вуч аламат я, им вучтин дамах?
Селдивай рам тежез, тийиз кьил агъуз,
Багърийрихъ ц|игел яз аман, вун ялгъуз?!
Дувулрай къачузван ви чанди къуват,
Шарвилидин хьтин а зурба къамат?
Тарихдин шагьид ян шумуд виш йисан,
Акунва вилериз гзаф пис-хъсан?!
Акъвазнавай селдин хура кьегьал хьиз,
Гьай хьанавай часпар - течир магьал хьиз,
Тандал алай ц|уру хирер кьуна кар,
Къаяривай ийиз хьанач ваз са кар?!
... Т|игьиржалдин ярж я, чи элдин дамах,
Чешне хьиз амукьа, чан кьуьзуь къавах!
Юсиф Халилов
Теране Керимова Оруджева
Селдин хура акъвазнавай тек къавах
© Copyright: Теране Оруджева-Керимова, 2022
Свидетельство о публикации №122093003655
Свидетельство о публикации №122093003655
Рецензии