Мад алахьай югъ серин я,
Я экуьн ярар амачиз.
Югъди-йифди зун сефил я,
Я ширин ахвар амачиз.
Зи к1анидан экуь чинлай
Нурар гуз мармар атана,
Гьа нурари зи рик1 т1уьна,
Дердерин накъвар атана.
Шак алач заз вили цава
Луву гудай лувар авай туш.
Хиял я жал им бед-гьава:
Мад закай хабар авай туш.
Дагъди хурал т1арам-т1арам
Са гуьзел жейран атана.
Вун гьинава алай макъам:
Им вучтин заман атана.
Шагьвардивди рик1 ачухиз,
Беневша за кинарзава.
За и дердер низ ачухин,
Дертлу хьана ялварзава.
Фикир авурт1а гьалдикай:
Заз ви назик т1вар я ширин.
За яр кьунай маралдикай ,
Маралдин дидар я ширин.
Мумин 40
© Copyright: Магомед Мирзоев Мирзой, 2022
Свидетельство о публикации №122091807228
Свидетельство о публикации №122091807228
Рецензии