Кlанда гатфар, валлагь дустар,
Цуьк авурла тlебиатди.
Михьи рикlив садна къастар,
Чlугвадайла зегьмет халкьди..
Лекьерини лув гуз цава,
Кутадайла жувак гьевес.
Тух жедалди михьи гьава,
Хур ацlурна чlугваз нефес.
Гапlал-гапlал гъвери- гъверер,
Дагъдин хурал халича хьиз.
Къужахдалди кlватlиз цуьквер,
Кlандай абур квез багъишиз.
Цавни хьана экуь вили,
Ракъин тавдай акваз гьуьл хьиз.
Безетмишай чlавуз чили,
Алкlурда зун вичел гуьл хьиз.
Кlанда гатфар заз мад дустар,
Ракъини чил ифирдайла.
Циферикай хьана марфар,
Гьава пеш хьиз кьезилдайла.
Кlанда гатфар
© Copyright: Фатимат Османова, 2022
Свидетельство о публикации №122091207549
Свидетельство о публикации №122091207549
Рецензии