Я хачу, каб надзея і восень
Разам з верай народа спляліся
Перамогай на доўгай дарозе,
Дзе каліны рассыпаўся бісер.
Я хачу, каб дзяцей нашых мары
Паядналіся з марай бацькоўскай.
Каб іх лёс не заценьвалі хмары
І квітнела вясёлка над вёскай.
Каб ніколі не зведаў нядолі
Беларус, украінец і рускі.
Каб яднала іх песень раздолле
І хапала пад келіх закускі.
Каб цанілі мы звычкі і мову
Свайго брата, сястры і суседа.
Каб яднала нас шчасця падкова
І лілася ў застоллі бяседа.
Я хачу, каб ваеннае рэха
Сваім гулам працяла вар'ятаў.
Каб заранка зайграла на стрэхах
Нашых мірных, разважлівых хатаў.
03.09.2022.
***
© Copyright: Валерий Познякевич, 2022
Свидетельство о публикации №122091203083
Свидетельство о публикации №122091203083
Рецензии