Гад хьайила хкведа куьн,
Зи гуьгьуьлда хъуьреда куьн.
Вучта ахпа хъфидайла,
Сагърай лугьуз алкlидайла?
Кlанивилин кьадар авач,
Гекъиг жедай затlар авач,
Дуьньядилай я хьи багьа,
Гьар дидедиз вичин бала.
Кlвал ацlуда хтай чlавуз,
Рикl ацlуда рахай чlавуз.
Бахт хъуьрейла куь вилерай,
Лув гуз кlанда заз гьуьлерлай.
Чуькьведа рикl хъфидайла,
Накъвари хъвехъ ифирдайла.
Ухьт алахьиз рикl къене куз,
Кlанда дуьнья баладиз гуз.
Я сад Аллагь вал аманат,
Чи бегьерар хуьх саламат!
Гьар дидедин вилин эквер,
Хуьх чилерал дидейрин хъвер!
Хуьх чилерал дидейрин хъвер
© Copyright: Фатимат Османова, 2022
Свидетельство о публикации №122091002780
Свидетельство о публикации №122091002780
Рецензии