Къула авай цк|лам хьиз зун,
А ви руьгьдин къенева зун.
Кутазват|ан зулу зурзун,
Жуван руьгьдин чимивилив,
Хуьзва за вун к|анивилив!
Чангуд чешне тир ви рик|из,
Илифзава зун мазан хьиз.
Чангудин чан - а симериз,
Хуш кинариз макьамарив,
Хуьзва за вун к|анивилив!
Цуькверикай авур дарман,
Гваз дамарриз жезва мугьман.
Чир хьухь, я зун тек ви лукьман,
Ашкъи галай мелгьямарив,
Хуьзва за вун к|анивилив!
Теране Керимова Оруджева
К1анивилив хуьзва за вун
© Copyright: Теране Оруджева-Керимова, 2022
Свидетельство о публикации №122082405519
Свидетельство о публикации №122082405519
Рецензии