Зи к|анида верхьидакай куьрсарнава перпилаг.
Ават|а квехъ галтад тахьайд перпилагда инал лагь!
Ван хьанани квез садрани перпилагдин манияр,
Вилик фирла руьгь хкаждай, шадвал галай лирлияр?
Гагь ак| жезва чилин шардин винелай за лув гузва,
Перпилагдин макьамари заз виликди рум гузва.
Гагь на лугьун авазри зун тухуз ава сувариз,
А суварин кьакьан рагар муьтуьгъзава лекьре хьиз.
Гагь-гагь ахъа жезва саки вилик зурба тир са гьуьл.
Гьуьлуьн ванци шадарзава лап хушдаказ зи гуьгьуьл.
Амма кьулухъ...Хъфидайла азабдава перпилаг,
Ишехьзава гъам квай нотар, алахьзава саки агь?!
...Ана хъсан зат|ни хьанач, акъваз, фимир гьич кьулухъ,
Лув це вилик чан перпилаг, хутахмир на зун кьулухъ!
Теране Керимова Оруджева
Перпилагдин баядар
© Copyright: Теране Оруджева-Керимова, 2022
Свидетельство о публикации №122082405495
Свидетельство о публикации №122082405495
Рецензии