Мы не хочам быць лішнімі
На зямлі, што нам дадзена.
Мы прачнемся ўсе іншымі,
Вернем тое, што скрадзена.
Мы абудзімся нацыяй --
Наша годнасьць не страчана.
Мы адновім край працаю
І духоўнаю спадчынай.
Ад Купалы і Коласа
Да Бярэсця з Гародняю,
Мы не страцілі голасу,
І Пагоні з паходняю.
Мы ля сэрцаў лілеялі
Мову продкаў прыгожую.
Мы святым нашым верылі,
Неслі веру іх Божую.
Мы не хочам быць лішнімі
На зямлі, што нам дадзена.
Мы прачнемся ўсе іншымі
На зямлі сваіх прадзедаў.
Пад сцягамі свабоднымі,
Ды пад гербам з Пагоняю,
Мы прачнемся ўсе годнымі,
Мы прачнемся ўсе вольнымі.
26.12. 2020. Заслаўе.
Мы не хочам быць лiшнiмi
© Copyright: Валерий Познякевич, 2022
Свидетельство о публикации №122082305596
Свидетельство о публикации №122082305596
Рецензии