Гэты горад жыве без святла --
Замест шыбін і штораў -- фанера.
Тут ваенных падзеяў мятла
Навучылася новым манерам.
Падмятае раёны, дамы.
Спусташае мільёны прыступак.
Сёння Харкаў амаль не жывы --
Да мятлы далучылася ступа.
Тут пад гукі апошніх надзей
У падвалах хаваюцца людзі.
Ноччу моляцца дзеці на дзень
І не ведаюць, што з імі будзе.
На вайне шмат крыві і трывог --
Б'юцца сэрцы і сэрцы змаўкаюць...
Горад Харкаў жыве без дарог,
Што людзей да Радзімы вяртаюць.
16.08.2022. Заслаўе
***
© Copyright: Валерий Познякевич, 2022
Свидетельство о публикации №122082305578
Свидетельство о публикации №122082305578
Рецензии