Самурдин сес авазва чи япара.
Аквада ам са вахтара ахварай,
Хтанва чун адан патав яргъарай,
Экуьвилив ац1ур ийиз дамарар-
Къе саналла азиз вахар, стхаяр!
Гьуьрметлубур, квез и сувар мубарак!
Кьисметдин чаз четинвилер акунай,
Гележегни авазва чи гуьгъуьна,
Шумуд йисар чун сад-садаз такуна,
Хуш я рик1из зарафатдин рахунар,
Ашкъидин нур- чи вахарин акунар!
Азиз дустар, квез и сувар мубарак!
Гил чантаяр к1ват1зава чи хтулри,
Къилихар чи хьанва зайиф, хътуьлни,
Яшаринни атанва гил чи зулни,
Жегьил я рик1, жегьил я гьак1 акьулни,
Жегьилрин хьиз шад я къе чи гуьгьуьлар!
Квез и масан, ширин сувар мубарак!
Квез и сувар мубарак!
© Copyright: Магомед Мирзоев Мирзой, 2022
Свидетельство о публикации №122082004448
Свидетельство о публикации №122082004448
Рецензии