Алудмира рикlелай жув хайиди
Малайик хьиз гъилерал кьаз хвейиди,
Умудлу яз пелез темен гайиди.
Хаин жемир хва ,веси хьуй , дидедин!
Эркек тирди тестикь ийиз шартlунал,
Зегьмет чlугу къене рикl тваз къастунал,
Дамах ая гьалал зегьмет, пулунал,
Хаин жемир хва, веси хьуй, дидедин!
Къакъудайди агь галайди кутамир,
Рикlин сир гуз акатайдахъ ягъамир,
Ягьанатдив жуван зегьмет нез тамир,
Хаин жемир хва , веси хьуй, дидедин!
Жувал атай немгетдиз жавабни це,
Яракь гвачиз хьайитlа вав, къванни це,
Ватан патал гьайиф къвемир чанни це,
Хаин жемир хва, веси хьуй ,дидедин!
Хаин жемир хва, веси хьуй, дидедин
© Copyright: Фатимат Османова, 2022
Свидетельство о публикации №122081800581
Свидетельство о публикации №122081800581
Рецензии