Адгарэлі агні серады, заўтра будзе чацвер.
Кадры новага дня дзень мінулы адправяць у кому.
Калі нешта хацела сказаць, варта не маўчаць. Вер:
Ад маўчання ні мне, ні табе – лепш не стане нікому.
Адгарэлі агні бессэнсоўнай, ганебнай вайны,
Толькі сэрцы палаюць яшчэ, як зямля Украіны.
Калі ведаеш, дзе ён схаваны – той ход патайны,
Што вядзе ў свет без войн, мы знайсці яго сёння павінны.
Заўтра будзе чацвер, а пакуль што яшчэ серада,
І парталы яшчэ прапускаюць туды, дзе бясьпечна.
Калі нешта хацела сказаць, то скажы "так" ці "да" –
Я цябе зразумею, таму што кахаю сардэчна.
17.08.2022
PeraMen
Партальны
© Copyright: Вершы, 2022
Свидетельство о публикации №122081707100
Свидетельство о публикации №122081707100
Рецензии