Азизди...

Азизди, хкажин чи пиялаяр,
Гвадарна а куьгьне чlуру фикирар.
Къуй лув гуз, яргъариз фий чи хиялар,
Кувудна и гьакlан гьар йикъан крар.

Хъван, са гунагь пара, са гунагь тlимил -
Хъхьун кичlевилиз гана къадагъа.
Хъван чна, лугьуз чи мурадрин гими,
Гарари ягъурай далу патахъай.

Хъван чна, иви хьиз яру чехирди
Гъирай чи чандиз са кьезил пиянвал.
Фикирмир са герен дуьнед эхирдин,
Аквач чаз иншаллагь идан зиянвал.

Муьгьуьбат цаварай атанавалда,
Аллагь я анрин тек, даими паччагь.
Белки чи хъунизни и сефер ада,
Вил мичlда, гуьнагьдай кьадач има чаз.

Уьмуьрдин фикирар акъудна кьиляй,
Чун чаз жен са легьзе, са гъвечlи сят.
Хъухъ, эцигмир вуна пияла гъиляй,
Мумкин я мад таххьун и верцlи фирсат.

Ягъана мет - метез, ацlукьин икlа,
Вири кlанибрузни ийин меслят.
Яргъазна жувакай а ади йикъар,
Хгудин легьзедкай уьмуьрдин леззет!..

Хъухъ на тек и садра, тек са и сефер,
Сивер ваъ, чи рикlер сецив рахурай.
Меце ви талгьурай заз чими гафар,
Вилерай заз а ви ашкъи акурай...
04.07.2022 г.