Иланди хьиз къекъуьриз мез,
Бейхабардиз гьахьиз къенез,
Секинзавай кlвалер кьечlез,
Чир хьухь им я къан, фитнечи.
Гаф лагьайдан, кар авурдан,
Чин ала хьи вал ,,гавурдан".
Азрайилди авуй дуван ,
Негь хьанвай икьван , фитнечи.
Чlагур ийиз къамат ,беден.
Зегьердивди ацlана къен.
Акваз кlан туш ви чlулав хъен,
Хьана лап душман , фитнечи.
Гьикьван хьурай мад тапарар?
Жуван мециз ягъ дапlарар,
Ширин чандал хьуй ви къабар,
Мецикай хьуй къван, фитнечи!
На инсанриз ийизва таб,
Аллагьдиз гьикl гуда жаваб?
Эхиратдин кlвале азаб,
Цlал куда ви чан ,фитнечи!
Фитнечи
© Copyright: Фатимат Османова, 2022
Свидетельство о публикации №122072205177
Свидетельство о публикации №122072205177
Рецензии