Сунес х1ейгукъира катур Х1ясбуллагь,
Хъули хъардарибти делк1ахъес или,
«Х1язтавиркьес диги» или висукъи,
Хъули дебавариб, дурах1ехъесли.
Гьалакли лук1ули, белк1ун х1янчира,
Ца пикрилра х1евхъи, арзиб мисалра.
Г1ек1или сумкара, айзур Х1ясбуллагь,
«Дурсри х1ядурли сар», – чеббикиб балагь».
Нешли х1ясиббариб уршила тетрадь –
Урк1рухъи, батбухъун ил някъбазибад:
Х1урпри, зяг1иптиван, кьямаурли сар,
Цацадех1, кептиван, къух1дизурли сар.
– Гьуя, дила урши, иш се балагьа?
Сен ишцада х1урпри далк1унти х1ела?
– Бахъ барскъа сабигу иш сагал ручка –
Жагали лук1укъи, далк1а къел далта.
Вайси ручка
© Copyright: Айша Курбанова, 2022
Свидетельство о публикации №122071005262
Свидетельство о публикации №122071005262
Рецензии