Зэщыджэу магъыр гур,къэмыувы1эжу,
Сыт къыжра1эу щытми,зэхимых.
Зэми къысщохъур сэ ар къемыуэжу,
Дунейм щызек1уэ псор къыф1эмы1уэху.
Къыплъохъуэ ар уэ укъимыгъуэтыжу,
Дакъикъэ закъуи нэгум ущ1эмык1.
Си гукъэк1ыжхэм псоми къагъэзэжыр,
Абы уахэтщи,си гум упымык1.
Игу пык1кьым си гупсысэм уиут1ыпщыну,
Жып1ауэ хъуахэр сэ къысф1ыдок1уей.
Сэ сыпсэухук1э,гум уимыут1ыпщыну,
Уэ узи1эхук1эт сыщи1ар дуней.
Си жагъуэ нобэ зыми къимыщ1ыфми,
Сыхуейщ зыщызгъэпщк1уну сэ уи деж.
Сыпльыхъуэ пэтрэ узмыгъуэтыжыфми,
Си нэгу ущ1эту сэ къыстоуэ жейр
Сыту мащ1ащэт,сыту мащ1э дыдэт,
Ит1ани ф1ыщ1эр Алыхьышхуэм ейщ.
Дэ дигухэр лъагъуныгъэм зэщ1иубыдэу
Нэхъ 1ейуэ хъуар щищ1ащ ди гъащ1эм лей!
07.07.22гъ
Зэщыджэу магъыр гур
© Copyright: Кипова Лена, 2022
Свидетельство о публикации №122071001139
Свидетельство о публикации №122071001139
Рецензии