Ца бархIи Кавсаратла
Кьакьурти изесдииб.
Жулгьала ва бамбала
Нешли компресс чебихьиб.
ГIяркьила гягI хIейгули,
Рурси кьакьали сари.
ХIязлизи ахъибтачи
Хъябшси хIясратли сари.
– ГIяхIил арариайчи
Руэн, дила мукьара,
Тапани лер хIелара, –
Бусраврухъун неш гIурра.
– Хъулиб анцIбукьигу, неш,
Зилантачи аркьясра:
Изулину кьакьурти,
Карихьасли, гьатIира.
– ХIу арахIериубли,
Рархьаадли кьакьала,
ЧариубхIели, дудеш
Ургъаргу хIедра набра.
Рурси гIурра хъаррихьун:
– Хъябшризурли ухьалар
Дудешли чераасли,
Наб гьунгелти хесара?
Наб гьунгелти хесара?
© Copyright: Айша Курбанова, 2022
Свидетельство о публикации №122070903163
Свидетельство о публикации №122070903163
Рецензии