Сонира чебаибси виадри
Хиб ца бархIи дудешли –
Янила чиллализир
Дарг чинар даргибтирил.
Агь, харибиуб дурхIни,
Чардиубтиван гIебшни.
Дубшар деткайхъули Сар
ХIунтIенни дерцIиб чубкри.
– Базарличи гьаввакIес
ХIедкIун дигхIейгусири.
Сен гьандикиба тIутIи? –
Хьарбаиб хапли нешли.
– Муэрлизив Мирзабег
Вахъ тиладиикIулри.
Бунагь бии хIуруцIли
Ил хьул бартхIеахъасри.
Халал чубк чеббиркIули,
Мирзабег линкIикIулри:
– Муэрлизиб «Сонира»
Чебаибси виадри.
Свидетельство о публикации №122070703319