Зи кьилел хар къвайитIани,
Зи кьулан тар хайитIани,
Чандал цIаяр кайитIани,
Зи рехъ атIуз, ийиз зулум,
КъвазайтIани вилик залум,
Ийидач за эркин душман,
АкIадардач гьахъ гаф жуван.
ШейтIандихъ тIуб галай ружа
АлкIайтIани, тваз зун гужа,
ПаркутI гьалчиз, тагуз муьгьлет,
ХьайтIани зав кьаз гьуьжет,
Гъалиб жеч зи руьгьдал душман,
Руьгь азаддиз хуьда жуван.
Залумдивай кIандач инсаф,
Дегишдач за жуван гьахъ гаф.
Зи кьилел хар къвайит1ани
© Copyright: Тамила Хуршидова Салманова, 2022
Свидетельство о публикации №122070506065
Свидетельство о публикации №122070506065
Рецензии