Гьи вахтунда акуртlани,
Цlийи свас хьиз иер я.
Квехъди гекъиг авуртlани,
Вун девлетрин алем я,
Чан зи Ватан, хайи чил,
Гьич ацlудач вакай вил.
Хъуьтlуьхъ маргъал галатlани,
Вун зи рикlиз чими я.
Лацу кавал алатlани,
Ви дагълара чими я.
Чан зи Ватан, хайи чил,
Гьич ацlудач вакай вил.
Гатуз цавай цlай къвадайла,
Руьгь хкаждай шагьвар я.
Чи булахдай яд хъвадайла—
Вун илгьамдин марвар я.
Чан зи Ватан, хайи чил,
Гьич ацlудач вакай вил.
Давам хъийида.Марьям вахан тlебиатдин шикилар акурла, ихьтин гафар арадал атана;
Чан зи Ватан, хайи чил, Гьич ацlудач вакай вил
© Copyright: Гасанова Гюзеля, 2022
Свидетельство о публикации №122062401588
Свидетельство о публикации №122062401588
Рецензии
