Си гум и гъусэ, си щхьэгъусэ...

Узут1ыпщыну сыхуэмейми,
Къозгъэгъэзэну сэ слъэк1акъым.
Уэ уи унафэр Тхьэшхуэм ейти,
Ут1ихыжащ,1эмал ди1акъым.

Уи быни сэри дыпщхьэщыту,
1эмалу щы1эр зэрыщыту
Къэтлъыхъуэу тлъэк1ыу хъуари тщ1ащ,
Гугъу узэрехьри нэгу щ1эк1ащ.

Сыббгьэдэмык1ыу сыббгъэдэсмэ,
Сэ сщыхъут сыт щыгъуи упсэуну.
Ухигъэзыхьу уз къоузми,
Сэ сыгъунэгъумэ,пщхьэщык1ыну.

Сабийм ещхьыпсу 1э бдэслъамэ,
Уи узыр сщыхъут кьомыузыну.
Упыгуф1ык1рэ укъэплъамэ,
Къысф1эщ1ырт гур къилъэтык1ыну.

Си гум и гъусэ,си щхьэгъусэ,
Уэ уи гум илъ сытемыхуамэ,
Ар къызгуры1уэу пхуэзмыщ1амэ,
Уэ къысхуэгъэгъу,зэхэзмыхамэ,

Нэк1э кьызжеп1эр сымыщ1амэ.
Ди Тхьэшхуэм,зэхэпха,сельэ1ут:
Щхьэщыхи сэ къызэт уз ныкъуэр,
Къыстемыхьэльэу,зыщ1эзгъакъуэу

Езыр зыхуейхэри хуэсщ1эну,
1ей дыдэу сыхимыгъэщ1эну.
Здэсхьынут т1ури зэрысльэк1к1э,
Ауэ уэ бощ1э ц1ыхум лъэк1ыр.

Сэ сщ1эуэ,къару къызэптащ,
Сымыщ1эу псэху и к1эм ситащ.
Сыкъарууншэу зэм лъэр щ1эхумэ,
Апщыгъуи сыкъэбгъэтэджащ.

И псэр итыху сыщхьэщытащ,
Щыпшэж дакъикъэм сы1упшащ.
Укьысщысхьащ,сыбгъэлъэгъуакъым,Уи деж зэрыпшэр сэ слъэгъуакъым.

Псэухук1э сэ сык1элъфплъащ,
Иджы чэзур уи деж нэсащ.
Солъа1уэ,ди Тхьэ схук1элъыплъ,
Нэхъыф1у хъуар къыхуэгъэт1ылъ.

Гуэныхь и1ами,схущхьэщых,
Сыхуэарэзыщ,гум 1ей имылъ.
Жэнэтым и хъуэпсап1эр къет,
Тыншып1эу уи1эр уэ къысхует!

10.06.22гъ