Аквазвани, Тарас буба, ваз жуван сурай,
Стхайри гьикl къе хъвазватlа сецин ивияр?
Аквазватlа, бес вучиз на ийизвач гьарай,
Вучиз эхи ийизва на, сабур кlеви я?
Мелъуьнариз яб гана са дидед рухваяр,
Кьвед сасадал гьалтнава къе, тунва ягъ - ягъун.
Акваз тирни ихьтин крар ваз гьич ахварай?
Кlан жедайни кьакьан тикдал ваз жуван сур хьун?
Аквазвани Днепрдин иви квай шел - хъвал?
Авахьзавай, чизвани ваз, иви нинди я?
Цикlирзава са стхади муькуь стхад кlвал,
Дустунди жеч...и фитнеяр ягъидинди я...
Фенвани вун Адан гуьрцел, чизвани Аллагь,
Секин рикlив капlзавани хабарсуздаказ?
Тахьайтlа вун элкъвенава жуван сура, лагь,
Ви Украйна къенин юкъуз авай гьал акваз?
Чир хьанайтlа, " ...Украйнада куьчуьда",- лугьуз,
Веси ийиз, минетдайни на гьич рухайриз?
Бежягьат! Чир тахьунихъ... сад нез, пуд незир гуз,
Чаналамаз квахьдай анай...тахквар яргъариз...
Т. Г. Щевченкодиз
© Copyright: Намик Фарзалиев, 2022
Свидетельство о публикации №122052602882
Свидетельство о публикации №122052602882
Рецензии