" Тугъ чlулав я лагь", - лугьузва мухбирди,
" Тугъ чlулав я лагь", - лугьузва духтурди.
" Тугъ чlулав я", - успатзава алимди,
" Тугъ чlулав я", - тестикьзава муаллимди.
" Тугъ чlулав я", - лугьуз югъ - йиф тикрардай
Гунугар я, аквазвайбур экрандай.
Тугъ чlулав я лугьузава шаирди,
Тугъ чlулав я - гьам гужлуд, гьам фагъирди...
" Тугъ чlулав я", - баянзава гьакимди,
" Тугъ чlулав я", - са чара тахкимиди.
" Тугъ чlулав я", - гьарагъзава вирида,
" Тугъ чlулав я", - гьар муьжуьдкай ирида.
" Лацу я лагь,- лугьузва заз вилери,-
Буьркьуьдани тайинда ам гъилерив"...
Фена япар рахунрикай, денг я зун,
Кьатlуз жезмач рангар завай...ленг я зун!..
Тугъ чlулав туш...
© Copyright: Намик Фарзалиев, 2022
Свидетельство о публикации №122052001432
Свидетельство о публикации №122052001432
Рецензии