Вахъ шехьзавай лезгидин гьич чlалахъ жемир, Араз вацl,
Адан накъвар буьркьуьданбур, вич - ар язвай арац я.
Ваз вуч рябет жеда адкай, вичин Самур таквазвай,
Вичин хайи тама эгер ам ктlай, пут кlарас я?
Пlир зид ятlа, мадни адан заз чизава керемат,
Верцlи мецел алцур хьана, гьич желедиз къвемир вун.
Вичин кlус ви цера хъуьтуьл авун я тек " пак " ният,
Вуч я кьван ви патал адаз тапан накъвар экъичун?!
Вилер хци, гъилер цицlи, буьркьуь хьанва де акьул,
Чаз чарадкай герек туш хъел, чи кьулава гъуьлягъ чи.
Гьакlни сан я тlимил лугьуз, муьтlуьгъ хьанвай чун аку -
Вунни арад хьаначиртlа, вуч хквез тир гъиляй чи?!
Вахъ шехьзавай лезгидин вун чlалахъ жемир, Араз вацl,
Адан накъвар вахъ рикl кана авахьзавай накъвар туш.
Ахцlудайд туш кьве ччин галай " яр - дустари " ягъай кlацl,
Герек хьайтlа, Нилдихъ шеда, кьежиризни вичин кlус...
Араздиз
© Copyright: Намик Фарзалиев, 2022
Свидетельство о публикации №122051304635
Свидетельство о публикации №122051304635
Рецензии