Щыуагъэ сщ1ащ,къэгъазэ имы1эжу,
Сык1эльы1эбэ пэт,сынэмысыжу.
Къысхэуэу,си гум куэдрэ къэк1ыжу,
Къызэныкъуэкъуу,жейм семызэгъыжу.
Уэ псалъэ бут1ыпщар зэрып1эщ1эк1ым
Ещхьыпсу 1уэху блэжьари уи гум къонэ.
Дунейр зэрыдунейщи,ар йок1уэк1ыр,
Абы уэ уешх,къоуз,укъызэщ1онэ.
Уигу къихьэжамэ,уегупсысыжамэ,
Гур къиптхьэщ1ык1ыу,ярэби,щытамэ..
Мыхьумыщ1э пщ1амэ къебгъэгъэзэфамэ,
Ар къэхъун ипэ укъыщыхутамэ
Сту куэдыр щыуагъэншэу дыпсэунут,
Гур зыгъэпщтыр дэ зыри дымыщ1энут.
Жыт1эн ипэ1уэ,т1эк1у дыгупсысэнут,
Дыщ1егъуэжыну 1уэху дымылэжьынут.
Дэ пшахъуэ унэ тщ1ыуэ щыщытахэр
Фэ фщ1эжрэ?Тщ1ар гум дэмыхьамэ,
Ткъутэжти ди гум дыхьэу нэгъуэщ1 тщ1ырт ,
Нэхъ ипэ тщ1ахэр хэщэщэжырт щ1ым.
Нэхъ гугъущ ди гъащ1эр,пщ1ар пхуэмыкъутэж,
Ф1ым уегъэгуф1э,ухущ1емыгъуэж.
Мыхьумыщ1э щы1эщ пхуэмыгъэзэк1уэж,
Уэ дапщэрэ ухуейми хущ1егъуэж.
11.05.22г
Щыуагъэ сщ1ащ къэгъазэ имы1эжу
© Copyright: Кипова Лена, 2022
Свидетельство о публикации №122051107290
Свидетельство о публикации №122051107290
Рецензии