Туьк1уьрнай за садра кьве ц1ар.
Амукьайла авачиз кар.
Ахпа са бенд, там са шиир
Авунай за гьа ик1 туьк1уьр.
Рехъ ахъайна зи къастариз,
Къалурнай за зи дустариз.
Тарифнай зи, гьейран хьана,
Ахпа абур пашман хьана.
Гафар мийир буш лагьана,
Ам ви к1валах туш лагьана.
"Ваз хасбур туш а фикирар,
Зайифбур я ви шиирар".
Пехил хьана зи ц1арарал-
Зи девлетрал,зи маларал."
Кам зайифдач",фикирна за,
Акъваз тийиз туьк1уьрна за.
Кхьей зат1ар пара хьана,
Дустар закай чара хьана.
Авунач за намус чуру,
Кьимет гайи дустар ч1уру,
Тирт1ани за сабур хвена,
Жуван намус абур хвена.
Рик1ивай я чидач заз таб,
Гьа ик1 хьана заз са ктаб.
Закай авур ч1алан уст1ар
Сагърай куьн зи пехил дустар !
Туьк1уьрнай за садра кьве ц1ар
© Copyright: Тамила Хуршидова Салманова, 2022
Свидетельство о публикации №122041808121
Свидетельство о публикации №122041808121
Рецензии