Лъым рыджэгоу, гъэтхэмафэр
Гучlэм иlыстагъ.
Къэзгъэгъунэу уикъэблачъэр
Бэрэ сыожагъ
Цlыфыр игухэлъ зэрежэу
Сэри сыщытыгъ.
Укъысшlошlмэ, сыкъыплъежьэу
Сэ сигъашlэ схьыгъ.
Сыбгъэгупэ дэлъ сурэтыр
Машlом дистыкlыгъ
Гумэкlыгъоу сызыхэтыр
Псэм къылъыlэсыгъ.
Сынэгу укъыкlэмыхьажьмэ
Сызэгоутын.
Зы хьэпщэгъуи къысфэнэжьмэ
О къыостыжьын.
Сыдэу щытми, сищыlакlэ,
О пфэзгъэшъошагъ.
Чэщыр къинэу, мафэр гуачlэу
Бэрэ сыожагъ
Джы ситеплъэ къэмышlэжьмэ
Ащ укlемыгъожь,
Ау уизакъоу укъэнэжьмэ
Укъысэмыжэжь.
Бэрэ сыожагъ
© Copyright: Шефруков Адам Рамазанович, 2022
Свидетельство о публикации №122041501196
Свидетельство о публикации №122041501196
Рецензии