Муьгьуьббат я рикlериз чим гузвайди,
Саламатдиз хизандин къул хуьзвайди,
Вафалу тир ялав аваз кузвайди,
Хуьх инсанар куь рик/ера муьгьуьббат!
Муьгьуьббат я и дуьньядал бахтлувал,
Къалур тийир кьуьзуь -жегьил вахтунал,
Са куьнихъни авач адан дадлувал,
Хуьх инсанар куь рикlера муьгьуьббат!
припев:
Пагь, вуч гужлу затl я валлагь муьгьуьббат,
Къалурзавай шад уьмуьрдихъ авай дад!
Кlани рикlер агудзавай бахт, къуват,
Муьгьуьббат я ,муьгьуьббат я ,муьгьуьббат!
Уьмуьр тикрар жезвайди туш, сад я чаз,
Кlанивилин ашкъи чими гад я чаз.
Гьуьрметдивди сада-садан гуьгьуьл кьаз,
Хуьх инсанар куь рикlера муьгьуьббат!
Куьмек гузвай рикlин гьар са мураддиз,
Руьгьдин лувар хкажзавай азаддиз,
Камар къачуз гележегдиз лап шаддиз,
Хуьх инсанар куь рикlера муьгьуьббат!
Муьгьуьббат Любовь
© Copyright: Фатимат Османова, 2022
Свидетельство о публикации №122040700123
Свидетельство о публикации №122040700123
Рецензии