Халкъара гьал бугюн къыйнай жанымны,
Бираз сама рагьатланмай юрегим.
Ватанымда кёп ананы бозлатды,
Мелте йимик уланланы ареги.
Отавунда олжаны ярты яны.
Бир баланы дюньягъа тенг девлети
Къызашыны къоруйгъан азиз жаны,
Савлай элни къоччагъыдыр,авлети.
Тенгиси ёкъ Тенгирибиз,тилейбиз,
Гюлле басып сыналмагъыр жанлары.
Къагьру язбаш савутларын сувуруп,
Ал къанлагъа боялмагъыр санлары.
Къатарбаш яш къабакъалда бозарып,
Байрам гюндей ата бетин излейдир.
Батырларын къайтар-къайтмас ёллардан,
Ана Ватан байрам гюндей гёзлейдир.
Байрам гюндей гезлейдир
© Copyright: Насият Даибова, 2022
Свидетельство о публикации №122032400066
Свидетельство о публикации №122032400066
Рецензии
